Ons het 'n rustige dag in Kemoes langs die Oranjerivier verwag, maar om 11:00 is daar omtrent verkeersknope in die mooi dorpie se hoofstraat.
Dis 30 April. Ekstra besig, want more moet daar feeskos wees. Dit is Werkersdag. Daar is van piesangs tot selfone en pers pantoffels op die sypaadjies te koop . Die handelaars wat wel winkels met mure en 'n dak het kom merkbaar uit Afrika en die Ooste: Ali, Jusuf en Sonny lees ek op die toonvensters.
. Die Keimoes-toerismekantoor in die "wit kerk" gehuisves, bied skuiling en verkwikking. 'n Baie ingeligte beampte gee wenke vir 'n halfdag-besigtiging. Ek los my vriendinne om te luister want die "vintage" uitstallings in die klein koffiewinkel roep my.
 |
| 'n Jones-handnaaimasjien
|
Bo: Kyk na die groot broodblik en ruik die suurdeegbrood wat plaasouma's een keer per week geknie en gebak het. |
| Onder: Die rakkie kon net sowel in my huis gestaan het
|
Kon nie glo wat ek sien nie. Daar ontdek ek 'n pannekoekhoek uit die 40's /50's. Ook die mooiste Viktoriaanse foto-album. En niks is vir handeldryf bedoel nie, gewoon net 'n lekkerte vir die nostalgiese reisiger...
 |
| Vleismeul en kombuisemalje - my grootwordgoeters |
 |
| Die Brandwag en ander ou tydskrifte word keurig in die inligtingsentrum uitgestal |
Om die gebied goed te kon bespied is ons met die steil pad na die top van Tierberg toe. Vars lug, die besonderse kokerbome en 'n uitsig oor die Eilande is 'n onvergeetlike gesig...
 |
| Uitsig vanaf Tierberg |
No comments:
Post a Comment