"Ons gaan vir 3 dae in Praag wees in September. Wat moet ons sien," vra Brunette en Jan. Ek en Arie was in 2005 vir 8 volle dae in Praag. Dit was veels te min. Ons het eers 5 dae 'n knus apartement naby die Nasionale Teater gehuur, toe vir 6 dae in die platteland met 'n gehuurde motor rondgery en terug in Praag nog 3 dae in 'n woonstel in 'n voormalige kommunistiese blok gebly.
Die eerste twee dae het ons net rondgestap in die ou stad. Nekke gerek, koppe in die lug om die buitengewone fasades van die geboue te betrag. Die vreemde klanke gehoor, ander reuke geruik ...
Al wat ons vir mekaar te se gehad het was: "Kyk daar, kyk hier... nee, hier. die een is nog mooier."
Ek het al my momentos, kaarte en boeke oor die mooi stad uitgepak en die pragtige lente van 7jaar gelede het weer my leefveld ingeneem...
 |
| Die ou stadsplein |
 |
| Uitsig oor Praag met die Vtlava-rivier en die Charles-brug in die agtergrond |
No comments:
Post a Comment